Mikið hefur gengið á að undanförnu, bæði innan og utan vinnu. Hér verður stuttlega farið yfir það sem gerst hefur í vinnunni. Helst hefur verið unnið við illgresisafskurð, stígagerð, bekkjagerð og trjáhreinsun. Einnig var farin hressileg ferð inn í Brynjudal til að gróðursetja. Þar voru gróðursettar 180 plöntur. 4x40 gata bakka af blágreni og smá af fjallaþin og svo voru stærri pottaplöntur af blágreni 20 stk. Hér má sjá stemninguna úr Brynjudal. (2 myndir) Þá fluttum við Ragnar eitt skilti fyrir dúnylli, ásamt því að saxa á lúpínu (sjáiði litla hrossagaukinn sem faldi sig í lúpínunni) og velja okkur efnivið í bekki á Moltusvæðinu. (2 myndir) Svo á afmælisdaginn minn mokaði ég holur fyrir bekk í Smalaholti. Ekki bara það, heldur var haldið pulsupartý uppi í Sandahlíð, einskonar afmælispartý, það var góð stemning þar þar sem allir mættu og þáðu pulsur af ErluBil, Þóri og JóniErni, sem stóðu m.a. vaktina á grillinu. (3 myndir) Þá fór af stað vinna við bekkjagerð og aðstoðuðu Breki og Grímkell við að burðast með bolina og hjálpa til. Daginn eftir hjálpaði Þórir við að koma bekkjunum fyrir í Sandahlíðinni þar sem tveir bekkir voru settir upp. Þórir og Dísa sitja saman á eftir bekknum og Freymar, Ragnar, Brynjar og Oddur sitja á þeim neðri. Útsýnið frá beknum væri yfir Vífilsstaðavatn ef Vésteinn og Brynjar væru ekki alltaf að vinna við að bruna með kurl upp stiginn. Einnig snyrtum við til á svæðinu þar sem tré lokuðu stígnum og í snjóbroti. Greinarnar voru fluttar þvert og endilangt yfir Garðabæjinn til kurlunar. (8 myndir) Að lokum eru myndir frá í dag þegar þremur bekkjum var komið fyrir í Smalaholti/trjásafninu. Til gamans má geta að grafið var nafn þeirrar trjátegundar sem hver bekkur var úr í hvern bekk. Grenibekkurinn er þyngstur og neðstur með fallegt útsýni yfir Vífilsstaðavatn. Asparbekkurinn er efstur og einungis lokaspreturinn eftir af stígnum upp í næsta áningastað. Birkibekkurinn er í miðjunni og umvafinn stæðilegum hengibjörkum vinstramegin við hann (sérst ekki á mynd) með útsýni yfir fagursýrenur.
0 Comments
Leave a Reply. |
KviklandFréttir af hinu og þessu þegar það á við. Geymsla
December 2022
Flokkar |